Мастер клас со Александар Русјаков

Денес во 13 часот, во Café Literatura во „ Скопје сити мол”, а во рамки на „Денови на литературата“, ќе се одржи „Мастер клас за пишување“ со Александар Русјаков.

Александар Русјаков е добитник на „Рациново признание“ за неговиот последен роман „Хотел меѓу две војни“ кој триумфира и на наградата „Пегаз“ за најдобар необјавен роман за 2021 година. Досега има објавено неколку романи и збирка раскази: „Ме сакаш ли под дождот“ ( 2010), „Тринаесеттиот месец“ (2012) „Атена со пенис“ (2014) „Курвински хроники“ (2020) и „Албино трип“ (2021).

На овој мастер клас ќе дознаете како Русјаков пишува приказни што остануваат безвременски и релевантни. Дознајте како авторот на „Хотел меѓу две војни“ создава живописна проза и ги привлекува читателите со неговиот уникатен пристап кон раскажувањето и навлезете во неговиот креативен процес за развој на идеи во романи со силни структури и нијансирани ликови.