Истражување: Омикрон опстојува на кожата и пластиката многу подолго од оригиналниот вид

Варијантата Омикрон успева да преживее подолго на човечка кожа и на пластични површини во споредба со претходните верзии на коронавирусот, откриле јапонските истражувачи во лабораториски тестови.
Токму оваа екстремно висока „стабилност во околината“, односно високата зараза и екстремната издржливост, му овозможи на омикронот да ја замени делтата како доминантна варијанта и да се шири со таква брзина, заклучиле јапонските научници.
На пластичните површини, просечното време на преживување на оригиналниот вид коронавирус беше 56. часа, алфа варијантите 191,3 часа, бета варијантите 156,6 часа, гама 59,3 часа и делта 114,0 часа. Јапонските истражувачи открија дека омикронот останува на пластични површини околу 193,5 часа, а резултатите, кои допрва треба да поминат рецензија, беа објавени на веб-страницата bioRxiv.

На примероците на кожата, просечното време на преживување на коронавирусот беше 8,6 часа за оригиналниот вид, 19,6 часа за алфа сојот, 19,1 часа за бета, 11,0 часа за гама варијантата, 16,8 часа за делта и повторно најмногу – 21,1 часови за омикрон.
Сепак, сите варијанти на коронавирус беа целосно деактивирани од човечка кожа по 15. секунди изложеност на средства за дезинфекција на раце на база на алкохол.
„Затоа, сè уште се препорачува како дел од сегашната контрола на инфекции, практиката на хигиена на рацете да се продолжи со средства за дезинфекција на база на алкохол, но и со сапун, во согласност со упатствата на Светската здравствена организација“, велат истражувачите.