Грција ја укинува обврската за сите вакцинирани меѓународни патници да пополнат детален формулар за патување, кој беше воведен како мерки за борба против ширењето на коронавирусот.
Одлуката ќе стапи на сила на 15. март, рекол министерот за туризам Василис Кикилијас во денешното соопштение, додавајќи дека одлуката е донесена по препорака на комисијата експерти кои ја советуваат владата за пандемијата, пишува „Екатимерини“.
Формуларот за локација на патникот (PLF) требаше да се пополни онлајн најмалку 24. часа пред да се влезе во земјата и да содржи информации како што се земјата од која доаѓаат туристите и адресата на нивниот престој за време на одморот, како и времетраењето на претходниот престој во други земји.
„Укинувањето на PLF го поедноставува процесот на влез на патниците“, рекол Кикилијас.
„Покрај тоа, усвојувањето на новите здравствени протоколи за туристичките компании ја става Грција пред конкуренцијата. Уште еднаш, ние сме подготвени безбедно да ги пречекаме нашите гости“, додал Кикилијас.