Холивудската актерка Шерон Стоун на Инстаграм објави дека нејзината мајка Дороти (88) доживеала мозочен удар, и ги замолила своите придружници да се молат за нејзиното здравје.
Шерон Стоун деновиве ги обиколи европските градови и блескаше на гламурозни настани, но едвај чекаше да се врати кај семејството кое ја чекаше во Лос Анџелес. Покрај трите сина, со холивудската дива живеела и нејзината мајка Дороти. Но, следбениците на познатата актерка биле прилично загрижени бидејќи таа објави драматична вест на Инстаграм.
– Молете се за Дороти Мери Стоун, мајка ми, која синоќа имаше нов мозочен удар.
Мама Стоун, витална дама која има 88. години, пред неколку месеци завршила во болница поради здравствени проблеми, а Шерон не се одвојувала од неа. За среќа, се’ се завршило добро.
Таа ја напуштила клиниката ден пред да се појават мемоарите на ѕвездата од „Ниски страсти“ во книжарниците, а првиот, почесен примерок и припаднал на неа. Покрај Шерон, која најмногу личи на неа, Дороти има уште три деца: ќерката Кели и синовите Патрик и Мајкл.
Да потсетиме, семејството летово доживеа голема трагедија кога почина синот на Патрик, единаесетмесечниот Ривер.
Фото: Принтскрин/Instagram