Министерот за здравство на Израел, Јули Еделштајн, потврдил дека земјата планира да им забрани на оние што не примиле вакцина против вирусот корона да работат на одредени работни места, додавајќи дека секој што ќе го фалсификува сертификатот за вакцинација, ќе заврши во затвор.
„Ќе има работни места каде што работниците ќе мора да се вакцинираат или тестираат за ковид 19 на секои 48 часа за да можат да работат“, рекол израелскиот министер за здравство.
View this post on Instagram
Еделштајн не прецизирал од кои работни места ќе бидат исклучени невакцинирани работници, но тој ги повикал сите да ја примат вакцината за да помогнат животот да се врати во приближната нормалност.
„Вакцинираните и оние што се заразиле со вирусот ќе можат да одат во спортски сали, хотели, синагоги и концерти од недела“, рекол израелскиот министер додека зборувајќи за израелскиот систем на „зелени пропусници“ што стапуваат на сила на 21-ви февруари.
Пропусници ќе добијат оние кои ја примиле вакцината или кои се опоравиле од ковид 19.
View this post on Instagram
Еделштајн рекол дека израелските власти веќе заплениле голем број лажни документи за вакцинација и предупредил дека секој кај кого ќе се најде фалсификуван сертификат за вакцина, ќе заврши зад решетки.
Израел е водечка земја во светот според бројот на вакцинирани, веќе се искористени скоро седум милиони дози вакцини.
Фото: Принтскрин/Instagram