ekran платформа за слободоумни
Ученик од четврто одделение во Росвел, Ново Мексико, одеше до своето основно училиште за да присуствува на часови преку мрежата WiFi на училиштето затоа што дома нема пристап до Интернет.
Училиштата во оваа област држат часови преку интернет поради пандемијата на коронавирусот, но момчето дома нема пристап до Интернет, пишува Си-Ен-Ен.
Анхел Ендекот вели дека нејзиниот син ќе наполни 10. години следниот месец и е многу независно дете. Тие живеат во близина на училиштето, а Џонатан одел таму пеш во текот на минатата учебна година, но оваа година часовите се одржуваат преку Интернет.
Ендекот во еден момент ги изгубила обете работни места поради пандемијата. Таа се вратила на едно од работните места, но не можела да си дозволи Интернет. Таа вели дека нејзиниот син бил среќен кога му рекле да оди на училиште за да се поврзе на Интернет.
Таа додала дека живеат практично преку улицата од училиштето.
„Директорот, секретарот и неколку наставници излегуваат да проверат од време на време дали сè е во ред со него и дали му треба нешто“, рекла таа.
Една наставничка во училиштето рекла дека останала скршена кога го видела Џонатон пред училиштето претходно овој месец. Таа сподели фотографија од него со пријатели и ја споделила на Фејсбук со дозвола на неговата мајка.
Фотографијата стана вирална, а многу брзо многумина одговорија кои сакаа да му помогнат на момчето и да платат за неговиот интернет. Жената што ја објавила фотографијата отворила сметка на GoFundMe за да собере пари за деца кои немаат пристап до Интернет, а на сајтот се наведува дека тие веќе им помогнале на некои деца.
Џонатон за Си-Ен-Ен изјавил дека ќе може да разговара со пријателите и соучениците на Интернет и дека да се биде пред зградата направило да се чувствува повеќе како да е на училиште. Тој исто така рекол дека омилена тема му е науката.
Неговата мајка вели дека е возбуден од одењето на училиште затоа што тоа му дава малку пауза во времето што го поминува со своето семејство, но благодарение на луѓето кои веќе донирале над 13.000 американски долари, Џонатон деновиве ќе добие интернет дома.
