(ФОТО) Силвестер Сталоне на семејна вечера со ќерките и сопругата:„Устата си ја држам затворена и не правам бранови!“

„Фантастично е иако се е женско. Женски правила. Дури и кучињата, и тие се женки така што еден маж мора да се вклопи“, вели Сталоне.
Легендарниот холивудски актер Силвестер Сталоне (72), ѕвезда на филмовите “Rocky” и “Rambo”, веќе со децении наназад важи за вистинска икона, а пред неколку дена бил фотографиран по излегување од еден ресторан и сите започнале да ги коментираат неговите фотографии.

Имено, папараците го фотографирале популарниот Слај на Беверли Хилс, каде вечерал со својата сопруга, манекенката Џенифер Флавин (50) и со две ќерки, Софиа (22) и Систине (20). Со нив не била најмладата, Скарлет (16).Но, не било чудно тоа што Сталоне е на вечера со сопругата и ќерките туку неговиот изглед – видно ослабнат.

Некои би рекле дека е послаб од некогаш, но Сталоне не ја тргнувал насмевката од лицето што значи дека причината за губење на килограмите сигурно не е негативна. Она што воодушевува кога е во прашање славниот актер е пристојното и приземното однесување и нормалниот став кон папараците и новинарите, и наспроти фактот што тој веќе со децении е дел од светскиот шоу бизнис.

А, причина за намалување на килограмите не е ниту семејството бидејќи популарниот актер има свои цврсти ставови за својата животна средина.
„Основно е што устата си ја држам затворена и не правам бранови“, рекол Сталоне како е да се живее во домаќинство со четири жени.

„Но, фантастично е иако се е женско. Женски правила. Дури и кучињата, и тие се женки така што еден маж мора да се вклопи“, заклучил Сталоне.

Извор:People