Колач од чоколадо за кој ви треба само еден сад

Преку викенд главно планираме,покрај добриот одмор и да ги направиме сите оние работи за кои во текот на неделата немаме време. А, една од нив е секако подготовка на нешто слатко.
НО, недостатокот на време најчесто не премислува околу подготовката на слатки па ви предлагаме колач кој се подготвува брзо и во само еден сад.
Состојки:
2 поголеми портокали
6 јајца
200 г мелени бадеми (или некои други јатки)
250 г шеќер
1,5 лажичка прашок за печиво
50 г темно какао
Прелив:
350 мл слатка павлака
200 г црно чоколадо
Подготовка:портокалите убаво измијте ги и заедно со кората полијте ги со 2 литри ладна вода и ставете да се варат. Варете ги половина час, потоа водата исфрлете ја и ставете нова и оставете да се варат уште половина час. Откако портокалите се сварени исечете ги на помалечки коцки и извадете ги семките. Кога малку се изладиле измиксирајте ги во пире со помош на блендер или стапен миксер. Потоа во еден сад измешајте ги сите суви состојки и додајте ги оние мокрите.Кога сите состојки ќе се поврзат додајте го пирето од портокали. Рерната вклучете ја на 180 степени и ставете го колачот кој сте го истуриле во тавче покриено со хартија за печење.
Додека колачот се пече направете го чоколадниот прелив. Слатката павлака загрејте ја до вриење и додајте го искршеното чоколадо,убаво измешајте.
Испечениот колач извадете го од тавата и полијте со глазурата, а после половина час поповршината украсете со чоколаден прелив. Потоа не ви преостанува ништо освен да почекате малку да се излади и „да навалите“.