ekran платформа за слободоумни
Тајландската полиција се извинила откако, по грешка, на аукција продале автомобил во кој биле скриени десетици илјади таблети амфетамин.
Купувачот платил 586,000 бахти (19.000 американски долари) за автомобилот „Хонда ЦР-В“ кој бил продаден на аукција откако минатата година бил запленет во случајот поврзан со дрога.
Кога клиентот го одвезол автомобилот на сервис за поправки, автомеханичарот пронашол 96.000 таблети скриени во браникот.
Официјалните лица изјавиле дека во иднина потемелно ќе ги пребаруваат запленетите возила.
“Според протоколот, ние го пребаруваме секое возило што го примаме и тоа не беше исклучок. Овој пат, сепак, не можевме да најдеме ништо навреме, можеби затоа што апчињата биле добро скриени”, рече Нијој Teрмсисрук, генерален секретар на Кабинетот на Одборот за контрола на наркотици.
Тој објаснил дека апчиња јаба, мешавина од метамфетамин и кофеин, биле пронајдени во кутии скриени во тајни прегради зад браникот.
Кога минатата година автомобил бил запленет во северната провинција Чианг Раи, на задното седиште биле пронајдени 100.000 илјади вакви таблети.
Термсисрук рекол дека новооткриените таблети ќе бидат приклучени на случајот и дека новиот сопственик на автомобили и автомеханичар ќе бидат наградени за нивната соработка.
Јаба на таи јаикот значи „луд лек“ и обично се прошверцува од Мјанмар и се продава во форма на ефтини црвени и розови таблети.
Во 2018 година, тајландските власти заплениле 516. милиони таблети.
