ОТКАКО Америка неодамна ги санкционираше ќерките на Путин и семејството на Сергеј Лавров, поранешната гимнастичарка Алина Кабаева (38) ги избришала сите нејзини податоци од веб-страницата на Националната медиумска групација (NMG) поради страв од санкции од Западот.
Со години се шпекулираше дека Алина е љубовница на рускиот претседател Владимир Путин (69), а имала многу висока функција во одборот на медиумската империја.
Нејзиното име сега не може официјално да се поврзе со групата, пренесува Daily Mail, а зад сето тоа стои стравот дека нејзиниот имот ќе биде блокиран.
Покрај санкциите и за ќерките на Путин и за семејството на неговиот министер за надворешни работи, Сергеј Лавров, рускиот опозициски лидер Алексеј Навални јавно повика на санкции против пропагандните медиуми на Кремљ, истакнувајќи ја медиумската група на чело со Алина. Според странските медиуми, нејзината плата е осум милиони фунти годишно.
„Да ве потсетам, Националната медиумска групација, која поседува голем дел од овој апарат на лаги, несомнено му припаѓа на Путин, а со неа формално раководи љубовницата на Путин, Алина Кабаева“, изјавил Навални од затвор.