ekran платформа за слободоумни
Татко со гордост споделил видео од неговата најмлада ќерка како се вози на мотор со него, но тој не ја очекувал реакцијата што ќе ја предизвика. Корисниците на TikTok го нападнаа PJ Challenger затоа што не ја облекол неговата ќерка во соодветна облека за мотоцикли, што е важно за безбедноста.
Имено, девојчето седнало на моторот на нејзиниот татко облечена во хеланки, патики и тексас јакна. Таа имала само кацига на главата, која според некои не е доволно безбедна.
„Панталони? Чизми? Ракавици? Кацига што одговара? Браво“, му рекло едно лице, на што Пи Џеј Челинџер остро одговорил: „Ќе се натпреварувам за татко на годината“.
„Ако можете да си дозволите ваков мотор, тогаш би требало да можете да издвоите за пристојна безбедносна опрема за вашето дете“, напишал друг.
„Никогаш не би ги ставил децата на мотор без целосна опрема“, се согласил трет.
@pjchallenger Youngest first ride 😍 #MT09 #littlebackpack #biketok #daddaughtertime ♬ The Nights – Avicii
Иако таткото напоменал дека не се возеле брзо, некои истакнале дека дури и возењето до 50 км/ч може да биде опасно.
„50 км/ч? Со таа брзина сè уште гинат и тешко се повредуваат луѓе“.
Но, има и такви кај кои глетката на таткото и насмеаната ќерка на мотор разбудила носталгија.
„Се возев со татко ми на мотор кога имав седум години, најдоброто време во мојот живот“, „Да немаше интернет, никој не би му судел на овој татко. Ова е совршен момент и ќе биде прекрасен спомен“, коментирале други.
Фото: Принтскрин/TikTok
