ekran платформа за слободоумни
Салонот за убавина во Дубаи ја кренал услугата на маникир на друго ниво.
Салонот „Ланор Бјути Лаунџ“ во центарот на Дубаи им нуди на своите клиенти можност да вметнат микрочип на нивните нокти. Чиповите можат да послужат како дигитални визит-картички или да им овозможат на сопствениците да споделуваат информации од нивната сметка на Instagram.
Чипуваните нокти се поврзани преку мобилни телефони.
„Ние ги инсталираме информациите што ги сакате, како што се име, телефонски број, сметка на социјалните мрежи или веб-страница“, рекла Нур Макарем за Си-Ен-Ен.
Макарем започнала да ја нуди услугата „паметни нокти“ кога избувнала пандемија на коронавирус. „Единствениот предизвик е тоа што тие треба да бидат доволно мали за да ги собере на ноктот“, објаснила таа.
Досега, во салонот има вградено повеќе од 500 микрочипови, а Макарем се надева дека микрочиповите на ноктите наскоро ќе оживеат и на други места, како што се дигитални менија за келнери или безконтактни плаќања.
Фото; Принтскрин/Youtube
