(ВИДЕО) Одблизу со Павле Камилоски: „Никогаш не ме интересираа предрасудите, затоа што кога некого вистински го сакаш, годините не се важни…!

Од работа на брод до музика – не било лесно. Победата на талент-шоуто на бродот на кој работел е всушност моментот кога решил да почне да пее…
Македонскиот музичар и уметник Павле Камилоски потекнува од познато галичко семејство. Со сто мераци зборува за Галичник. Не само за убавините на селото туку и за галичани, кои надалеку во светот се познати. Па, како што вели: Мојот прапрадедо од Галичник на времето извезувал кашкавал за Њујорк. Во друштво се шегуваат кога ќе им кажам дека во Галичник е донесена првата машинка за бричење и ред други работи. А ако ме прашуваш дали се скржави? Не. Тие се домаќини.


Павле потекнува од познато угостителско семејство, кое веќе 12. години го работи единствениот хотел „Неда” во Галичник, често сврталиште и на обичните луѓе, но и на многу наши јавни личности или од странство.
„Не е лесно да се одржиш во оваа рбота. Јас и моето семејство се трудиме навистина многу оти која е целта ако некој еднаш дојде и никогаш повеќе не се врати”, раскажува Камилоски.

Од работа на брод до музика – не било лесно. Победата на талент-шоуто на бродот на кој работел е всушност моментот кога решил да почне да пее.


„На 27 години почнав да си го школувам гласот. Вљубен во медитеранската музика почнав да пеам и такви песни. Тоа ми донесе и интерпретации на песни по кои станав познат, но, конечно, и изведба на мои песни”, раскажува Камилоски. Недомана ја промовира „Љубовна рапсодија” и вели дека е задоволен како ѝ се допаднала на публиката.


За него јавноста дозна кога почна со настапите пред четири години со карванот „Мала Италија патува” кога изведуваше медитерански песни и шансони. Тогаш ја запозна балерината Катерина Стевковска, се вљубија и почнаа заедно да ја промовираат неговата музика.
„Иако не сме повеќе заедно, сепак, таа е посебен дел од мојот живот. Никогаш не ме интересираа предрасудите затоа што Катерина е повозрасна од мене, затоа што кога некого вистински го сакаш, неважни се годините”, раскажува Павле.
За Галичник и за двете сестри, со кои е многу близок, за разделбата со Катерина, за животот на брод, за некој специјалитет и за претстојната Галичка свадба…видете повеќе во видеото подолу…

Фото: Принтскрин/Youtube/Reporter

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Марина Поп Панкова за желбата од мала да биде пејачка

Изминатата недела во емисјата посветена на главниот град „Скопје Але Але“, готуваше еден од најопоуларните …