ekran платформа за слободоумни
Адел ја објави првата песна од новиот албум – „Easy On Me“, која има 21 милион прегледи на YouTube по само 12 часа од објавувањето.
Во баладата придружена со пијано, Адел пее за врската помеѓу неуспешниот брак и тешкотиите во нејзиното детство. Тоа е нејзината прва песна во последните шест години.
Реакциите на фановите се претежно позитивни, а на луѓето особено им се допадна моментот кога се појави бојата во црно-белото видео: „Колку моќно“-пишуваат во коментарите.
WHEN SHE TRANSITIONED INTO COLOUR #EasyOnMe pic.twitter.com/oRE4kfQu3n
— LIAM (@liamsevenaugust) October 14, 2021
Една жена се пошегувала и напишала: „После ова, и јас ќе се разведам“. Меѓу другото, тие напишале дека таа отсекогаш знаела совршено да ги трансформира емоциите во песна, и дека „Греми сигурно повторно ја чека“.
„Сигурно не сум ни близу она на што се надевав кога го започнав ова пред речиси три години. Всушност, сосема спротивно. Се потпирам на рутина и конзистентност за да се чувствувам безбедно, исто како и секогаш. А сепак, свесно, а можеби дури и доброволно, се фрлив во лавиринт на апсолутен неред и внатрешни превирања. Научив многу вистини за себе. Отстранив многу слоеви од себе, но исто така се завиткав во нови.
Открив некои навистина корисни и здрави материјали со кои можам да започнам, но исто така се чувствував како конечно повторно да го најдов тоа мое чувство. Јас дури би отишла толку далеку што би рекла дека никогаш во животот не сум се чувствувала толку мирно. И така, подготвена сум конечно да го издадам овој албум.
Тоа беше моето прашање за живот или смрт во најбурниот период во мојот живот. Толку се натопив со сопствената тага. Моето срце требаше да се опорави. За тоа се работи за овој албум. Домот е таму каде што е срцето“, рекла Адел за албумот кој треба да излезе на 19 ноември.
Фото: Принтскрин/Twitter
