ekran платформа за слободоумни
Американскиот претседател Џо Бајден стана познат по своите гафови кои го ставаат во непријатни ситуации. Во последното, тој и се обраќа на починатата членка на Конгресот, довикувајќи го нејзиното име.
За време на вчерашната конференција за борба против гладот, Бајден ја повикувал конгресменката од Индијана, Џеки Валорски, која загина во сообраќајна несреќа во август.
Сакајќи да им се заблагодари на организаторите на конференцијата, Бајден почнал да прашува: „Џеки, дали си тука? Каде е Џеки?“, очигледно заборавајќи дека таа починала.
"Jackie, where's Jackie?," Joe Biden says about Rep. Jackie Walorski who died in a car accident a few months ago. pic.twitter.com/khdiesmEsx
— Greg Price (@greg_price11) September 28, 2022
„Мислев дека и таа ќе биде тука“, вели збунетиот Бајден, а неговиот гаф веднаш се прошири на социјалните мрежи.
Инаку, Валорски беше еден од организаторите на споменатата конференција. Таа на 3. август загина во тешка сообраќајна несреќа заедно со уште двајца вработени.
А американскиот претседател тогаш објави соопштение во кое изјави дека тој и неговата сопруга Џил биле „шокирани и тажни“ од нејзината ненадејна смрт.
Иако некои се смееле на настапот на Бајден, имало и такви кои го критикувале, особено затоа што често му се случува вакво нешто.
„Навистина ужасна и срамна грешка“, напишала пратеничката Вики Харцлер.
Портпаролката на Бајден, Карин Жан-Пјер, објаснила дека Бајден непосредно пред неговиот говор ја спомнал Валорски и нејзината неверојатна работа и дека таа мора да била првата работа што му паднала на ум кога сакал да им се заблагодари на сите што придонеле за организацијата на конференцијата.
Инаку, американскиот претседател со 79. години е најстариот човек на таа позиција во историјата на Америка, а тоа не ги спречува многумина да ја посочат неговата возраст и да и ги припишуваат неговите непријатности.
Фото: Принтскрин/Twitter
