ekran платформа за слободоумни
УНЕСКО овој мал јордански град со минариња и црковни кули кои го делат истиот хоризонт го препознал како „место на толеранција и урбано гостопримство“.
Ас-Салт е на најновата листа на светско наследство на УНЕСКО на Блискиот Исток.
Сместено на раскрсницата на трговијата и аџилакот помеѓу Средоземното Море и Арапскиот Полуостров, Ас-Салт прераснал во просперитетен град кон крајот на 19. век за време на периодот на реформи насочени кон „модернизација“ на Отоманската империја.
View this post on Instagram
Историското јадро на градот го сочинуваат стотици градби од варовник кои датираат од крајот на 19. и почетокот на 20. век, и сите во ист стил, нивните типични сводови, високи прозорци и врежани столбови сјаат на сонце.
View this post on Instagram
Она што го прави овој град посебен се луѓето и нивната добрина. Ас-Салт стана место за средба на истокот и западот, меѓу пустината и урбаните центри, а различноста на градот се рефлектира во неговата архитектура.
Структурата на градот го поттикнала чувството на заедништво и блискост. Соседите живеат многу блиску еден до друг и се поддржуваат на многу различни начини. Мрежата од меѓусебно поврзани скали, заеднички дворови и јавни плоштади иницирале развој на толерантно, мултирелигиозно општество и внеле чувство на припадност на заеднички простор.
View this post on Instagram
Повеќето традиционални згради имаат заеднички дворови или тераси каде што луѓето можат да готват, да јадат и да пијат заедно. Луѓето овде сè уште живеат како да се дел од исто семејство, меѓу нив нема сегрегација.
Тука дури и црквата е свртена кон џамијата и го дели истиот влез. Муслиманите и христијаните учествуваат меѓусебно на прославите. И’ христијаните и муслиманите одат заедно на молитва, сите се добредојдени. Сè што имаат споделуваат со соседите.
Фото: Принтскрин/Instagram
