ekran платформа за слободоумни
На емотивното видео објавено на Твитер се гледа фризер кој додека ја бричи главата на девојката болна од рак, во знак на солидарност решава да го направи истото и со сопствената коса.
На социјалната мрежа Твитер беше споделено видео од девојка која се бори со ракот и доаѓа на фризер за целосно да ја скрати косата.
Додека девојката липа од солзи, фризерот се обидува да ја утеши, а потегот што го направи потоа воодушеви многумина. Прегрнувајќи ја со едната рака, решил со другата да си ја избричи косата во знак на поддршка.
Девојката најпрвин била изненадена од потегот, а потоа му ја возвратила прегратката.
No one fights alone!
He shaves off his own hair in solidarity with a cancer patient. pic.twitter.com/1sjLKKjnHO
— GoodNewsMovement (@GoodNewsMVT) January 15, 2023
„Никој не се бори сам! Тој ја истрижа косата во знак на солидарност со девојката болна од рак“, се вели во описот на видеото објавено на страницата „Good News Movement“.
Потресното видео предизвика низа емотивни коментари, а видеото на Твитер е прегледано 11 милиони пати.
„Емпатијата и сочувството се одличен израз на љубов. Аплауз за ваквата реакција. Величествена поддршка”, гласи еден од коментарите на корисниците кои го пофалија потегот на фризерот.
Фото: Twitter
