ekran платформа за слободоумни
Познатата пејачка Селена Гомез неодамна преку социјалните мрежи одговори на критиките за нејзината дебелина, велејќи дека таа не е модел и никогаш нема да биде.
Селена Гомез неодамна се појави на доделувањето на наградите Златен глобус, а медиумите и корисниците на социјалните мрежи жестоко го критикуваа нејзиниот нов изглед. Поради ова, Селена реши првично да оди во живо на нејзиниот TikTok профил, а видеото потоа беше споделено на Твитер.
Таа откри дека нејзините лекови за лупус предизвикуваат нејзината тежина драстично да флуктуира. Инаку, во 2014 година и беше дијагностициран лупус, хронична автоимуна болест која често доведува до отоци, замор и болки во зглобовите, а за тоа зборуваше и во својот документарен филм.
Selena Gomez goes live on TikTok to address comments about her body. She talks about her health, medication for lupus and how they affect her body. pic.twitter.com/JL3hIArShB
— Selena Gomez News 🎬 (@OfficialSGnews) February 16, 2023
„Кога го земам овој лек, имам тенденција да задржувам многу вода. Кога ќе престанам да го користам лекот, некако слабеам. Ова е она што сакав да го кажам и да ги охрабрам сите што се срамат од она што го минуваат, додека другите не ја знаат вистинската приказна“, рекла Гомез.
Оваа 30-годишна девојка и претходно отворено зборуваше за својата здравствена состојба и за автоимуната болест поради која во 2017 година беше и на трансплантација на бубрег, а неодамна откри дека нејзиниот лекар и рекол дека нема да може да има деца поради дијагнозата на биполарно растројство.
Фото: Принтскрин/Twitter
