Непосредно пред почетокот на туристичката сезона Дојран е со многу проблеми.
Како што веќе објавивме Градската плажа е скоро уништена, но во подобра состојба не се ниту другите плажи во Дојран, како и пешачката патека.
Обилните врнежи придонесуваат за прелевање на езерото, а нашето денешно видео и фотки се направени пред ресторанот „Гранико“.
Инаку, како причина за излевањето на езерото се напоменува тоа дека од грчка страна не сакаат да ги отворат каналите за одливање на водата. Доколку состојбата не се среди а врнежите продолжат, како што е најавено, Дојран ќе се сретне со сериозни проблеми пред почетокот на туристичката сезона.
Најлесно е да се обвинат соседите, а локалната власт требало на време да размислува за решавање на овој проблем а не да го префрлува на друга страна.