ekran платформа за слободоумни
Мексиканската актерка и пејачка Тања Мендоза е убиена пред спортски комплекс додека го чекала нејзиниот 11-годишен син да го заврши тренингот во фудбалската академија во државата Морелос.
Актерката чекала заедно со другите родители кога со мотор поминале двајца вооружени мажи. Еден од нив пукал во неа неколку пати, а потоа со соучесникот побегнал.
Ова убиство не е изолиран случај, според официјалните податоци минатата година во Мексико биле убиени повеќе од 3.600 жени.
Организацијата за човекови права „Амнести интернешнал“ објавила дека околу една третина од жртвите, околу 940, биле убиени со предумисла, а причина за убиството е исклучиво нивниот пол, нарекувајќи го „шокантна епидемија“.
Мендоза (42) се прослави во 2005 година откако глумеше во La Mera Reina del Sur. Глумеше и во бројни сапуници, но во последните години беше посветена на пејачката кариера и сними пет албуми.
Во 2010. година била киднапирана од перална за автомобили со нејзиниот сопруг и синот, кој тогаш имал шест месеци. Оттогаш, таа пријавила неколку смртни закани до Канцеларијата на државниот обвинител Морелос.
Mexican actress Tania Mendoza shot dead while she was waiting to pick her son from Football Academyhttps://t.co/tCeEWXMRRA#Breakingnews #Mexico #TaniaMendoza
— WIC News (@WIC_News) December 17, 2021
Засега не е јасно кој стои зад убиството на Мендоза, ниту некој можен мотив. По пукањето полицијата почнала да трага по осомничените, но никој не бил уапсен.
Обвинителството соопштило дека случајот ќе се истражува како фемицид, иако не биле соопштени детали.
Да потсетиме, Мексико страда од високо ниво на криминал, а голем дел од него е поврзан со нарко-картели. Фемицидот е сè поголема загриженост, но и покрај зголемениот број движења кои се залагаат за подигање на свеста за ова прашање, властите не успеале да го спречат порастот на убиствата.
View this post on Instagram
Според Амнести, случаите ретко се истражуваат и повеќето насилници остануваат неказнети.
Фото: Принтскрин/Instagram
