ekran платформа за слободоумни
Во Националната Галерија на Македонија-Даут Пашин Амам во Скопје, на 21 ноември 2023 година, со почеток во 19:00 часот, во организација на Здружението за еднакви можности – Мрежа Стела, ќе се одржи промоцијата на Прирачникот за Менторство.
На овој настан, ќе го промовираме Прирачникот за Менторство, што го подготвија менторките Радмила Живановиќ и Ивана Маринчек Михајловиќ. Покажаната потреба за создавање на овој Прирачник за Менторирање е голем исчекор во афирмирањето на менторството како клучен дел од оснажнувањето на жените и девојките во нашето општество.
Дополнително, ќе имаме можност во неформална атмосфера да дискутираме за солидарноста помеѓу жените и поддршката на нивното учество во опшествениот, политичкиот и економскиот живот.
Настанот ќе биде проследен со коктел и музика од Диџејќите на Тииит.
Ве очекуваме!
Овaa иницијатива е дел од проектните активности фокусирани на „Еднакви можности за девојчињата и младите жени во Северна Македонија”, проект кој го спроведуваме заедно со Националниот младински совет на Македонија. Проектот е финансиран од страна на Британската амбасада во Скопје, а целта е да ги поддржи и поттикне девојките и младите жени да бидат поактивни во општеството, да креира поеднаков пристап до можностите во јавниот живот, во приватниот сектор и во процесот на донесување одлуки на локално и национално ниво.
