ekran платформа за слободоумни
ЕДЕН шестгодишен Израелец, за време на патување на терен со неговите родители на југот на земјата, нашол 3.500 години стара глинена плочка за која археолозите сметаат дека е единствена.
Семејството се шетало низ селото Реим во јужен Израел во март, кога момчето забележало мала плочка со две изрезбарени фигури, објави во понеделникот израелската управа за антиквитети.
Случајот веднаш бил однесен на експерти за проценка.
На плочакта се гледа како војник во здолниште со појас турка гол заробеник, чии раце се врзани зад грб, објаснуваат експертите, додавајќи дека уметникот сакал да го покаже понижувањето на затвореникот.
Израелските власти велат дека откритието ќе придонесе за нивното досегашно истражување на илјадагодишниот ханаански град Јерзи.
Хананејците биле народ спомнат во Стариот завет. Голем дел од нивната земја, наречена Ханаан, подоцна ќе стане позната како Израел.
Ханаанците живееле во тој дел околу 2000 година п.н.е. Живееле во области кои, според античките текстови, веројатно вклучувале делови од современ Израел, палестинска територија, Либан, Сирија и Јордан.
