На 3 и 4 ноември во фоајето на киното „Синеплекс“ во Скопје ќе се одржува Саем на кретивни индустрии, под покровителство на Министерството за култура на РСМ.
Саемот на креативни индустрии е единствен настан каде што на едно место ќе се претстават различни гранки од креативните индустрии, во еден изложбен простор со цел да, да се поттикне домашната креативност, да се прикажат оригинални идеи и сиот потенцијал на креативните индустрии на јавноста. Саемот е осмислен како изложба за креативниот сектор проследена со работилници, настапи во живо, галериско изложување и централна изложба. Соединувањето на цела инфраструктура сочинета од дизајнери, уметници и водечки организации е иницијатива која има за цел да го подигне профилот на креативниот сектор, да ги поврзе организациите кои имаат заеднички интерес во креативните индустрии. Настанот ќе ги обедини сите креативци без оглед од кој сегмент на креативните индустрии доаѓаат.
Спојот на креативните индустрии, бизнисите од истата област, образованието и младата работна сила се од витално значење за здраво креативно општество. Саемот ќе придонесе и за популаризација на креативните индустрии и нивно акцентирање, можностите за работа што ги нудат како и вмрежувањето на поединци и асоцијации.
Во двата саемски денови во Скопје ќе изложуваат 40-тина компании, асоцијации, институции и поединци. Бидејќи станува збор за изложба на повеќе сегменти од креативните индустрии, саемот е поделен на повеќе сегменти според блискоста на креативните индустрии од кои некои комбинираат две и три гранки од креативните индустрии како мода и уметност, архитектура и софтвер итн. На саемот ќе можат да се поиграат видео игри созададени во нашата земја, да се погледнат анимирани филмови, макети од познати филмски сцени, скулптури од метал, 3Д принтани фигури, уникатни литературни изданија за деца, да се вкусат гастрономски уникатни производи, да се посетат филмски проекции и многу повеќе.
Работното време е од 10 до 19 часот.
Саемот за креативни индустрии се организира во два дела, од кои вториот ќе се одржи во Битола на 23 ноември во Офицерскиот дом и киното „Манаки“.
Настанот е организиран од страна на Здружението „Балкан синема ситис“ во соработка со киното „Синеплекс“ и Културен и информативен центар – Битола, поддржан од Министерството за култура на Република Северна Македонија.