ekran платформа за слободоумни
Вечерва во Europe House во Струга, со почеток во 19:00 часот ќе се одржи промоција на најновата книга на авторот Јордан Коцевски со наслов „Тајни“, продолжение на неговиот роман „Тегли“, во издание на „Антолог“. Промотор на книгата е Дијана Петрова.
„Тајни“ се случува три години по настаните од „Тегли“, и во центарот на вниманието е приказната на инспекторот Саше Левески, неговото минато и причините поради кои во „Тегли“ ја носи морално сомнителната одлука да ја спаси Розе и да помогне во затскривањето на убиството на главниот негативец. Во „Тајни“ тој е соочен со одлуката да продолжи да ги крие „духовите“ од минатото и да донесе неморална одлука, или неговата тајна да излезе на виделина по цена да остане доследен на својот етички кодекс. „Тајни“ нема да е продолжение на „Тегли“ ако во целата приказна не се вмеша Златко за да му ја олесни одлуката. Но, наместо тоа, и двајцата неволно се наоѓаат во ситуација во која не знаат што и зошто се случува, и мора да се борат за да преживеат.
