ekran платформа за слободоумни
На Денот на планетата Земја, „Браќа Манаки“ ве покануваат на посебно издание на ECOSCOPE:
• Проекција на документарниот филм TerraForma
• Отворена дискусија со Ханес Јекл експерт за екологија, и Ѓорѓи Митревски/Екосвест
Настанот ќе се одржи во Кинотека на Македонија, вечерва, со почеток во 20:00 часот, а влезот е слободен.
“TerraForma” е документарен филм за островот Вознесение: вулкан што природата го создаде со векови, а човекот го преработи за само неколку децении. Што значи кога рајот е вештачки конструиран? И колку долго може да опстане?
Режисерите Кевин Бренан и Лоренс Дуркин ни ја раскажуваат приказната за една скриена страна на историјата – за моментот кога човечката амбиција го надминува природниот ред.
По прикажувањето, филмот ќе биде достапен онлајн уште една недела на платформата:
https://ondemand.kinomeetingpoint.ba/
По филмот следува Панел-дискусија со експертот за екологија Ханес Јекл.
Пролетното издание на Мрежата на фестивали од јадранскиот регион ја слави моќта на филмот – да праша, да предизвика и да инспирира.
