ekran платформа за слободоумни
Починал глумецот Брајан Денехи кој зад себе има кариера долга пет децении, пренесува Си-Ен-Ен.
Глумецот починал од природна смрт, во средата навечер, во својот дом во американски Конектикат на 81. година.
Неговата ќерка, Елизабет, ја потврдила веста за смртта, но нагласила дека неговата смрт не е поврзана со корона вирусот.
It is with heavy hearts we announce that our father, Brian passed away last night from natural causes, not Covid-related. Larger than life, generous to a fault, a proud and devoted father and grandfather, he will be missed by his wife Jennifer, family and many friends. pic.twitter.com/ILyrGpLnc3
— Elizabeth Dennehy (@dennehyeliza) April 16, 2020
„Со тешко срце ве известувам дека нашиот татко Брајан, синоќа почина со природна смрт која не е поврзана со ковидот. Беше поголем од животот, великодушен, горд и верен татко и дедо. Ќе им недостасува на неговата сопруга Џенифер, семејството и пријателите“, напишала во објавата.
Една од неговите најпознати улоги била и онаа на шерифот Вил Тесли во филмот „Рамбо:Прва крв“ каде глумел со Силвестер Сталоне.
Силвестер Сталоне исто така се простил од него преку социјалните мрежи.
„Почина големиот глумев Брајан Денехи. Беше врвен перформер. Исто така беше ветеран од Виетнам кој многу ми помогна во градењето на ликот на Рамбо. Светот загуби голем глумец“, напишал Сталоне покрај нивната заедничка фотографија од филмот.
Денехи глумел во бројни филмови и серии меѓу кои и Best Seller, Tommy Boy, To Catch a Killer и Death of a Salesman. Неговата последна улога беше во тв серијата на ЕнБиСи, „Црната листа“ во која глумел од 2016. до 2019. година.
Освоил бројни награди меѓу кои и Златен глобус за најдобар телевизиски глумец, две награди Тони, а шест пати бил номиниран за наградата Еми.
Од 1959. до 1974. година бил во брак со Џудит Шеф со која има три деца. Во 1988. година се оженил со Џенифер Арнот со која останал се до смртта,а со неа има две деца.
