Кантри пејачката Наоми Џад, која беше позната како членка на групата The Judds, почина на крајот на минатата недела на 77-годишна возраст, а сега е откриена причината за смртта.
Имено, Наоми си го одзела животот само еден ден пред да биде примена во Куќата на славните на кантри музиката.
Нејзиниот сопруг Лери Стрикленд, со кој беше во брак 32 години, го прекинал молкот и изјавил дека поминуваат низ многу тежок период во семејството, и дека нивните срца се скршени.
Неговата изјава уследи по објавувањето на нејзините ќерки, кои со години настапуваат заедно со својата мајка како членови на The Judds.
„Денес се случи трагедија. Изгубивме убава мајка по долга борба со ментална болест. Ние сме скршени. Знаеме дека, како што ја сакавме неа, ја сакаше и нејзината публика. Се наоѓаме на непозната територија“, напишале нејзините ќерки.
Џад пишувала многу за нејзината борба со депресијата, па дури и спомнала самоубиство во отворено писмо објавено во 2018. година во списанието People.
„Сите кои тагуваат за смртта на некој што извршил самоубиство неизбежно се прашува: зошто се случи тоа? За жал, немаме многу добри одговори“, напишала тогаш пејачката.
„Знаеме дека самоубиственото однесување придружува многу мозочни нарушувања, како што се шизофренија, биполарно растројство и депресија. Самоубиството е всушност една од водечките причини за смрт што може да се спречи меѓу овие ментални болести“, додала таа.
Извор: Jutarnji.hr
Фото: Принтскрин/YouTube