Европската унија денес донесе одлука да ги отвори границите за сите патници кои го завршија процесот на вакцинација против коронавирусот со вакцини одобрени од Европската агенција за лекови (ЕМА) или Светската здравствена организација (СЗО), пишува Њујорк Тајмс. Ова значи дека покрај вакцините одобрени од ЕМА – Фајзер, Модерна, Астра Зенека и Џонсон и Џонсон – на списокот ќе се најдат и вакцините на кинескиот производител Синофарм, кој вакцинираше поголем дел од популацијата на Македонија.
Европската унија признава четири вакцини одобрени од ЕМА. Тоа се Фајзер, АстраЗенека, Џонсон и Џонсон и Модерна. Руската Спутник В сè уште е во фаза на одобрување од ЕМА, додека кинеската вакцина Синофарм е одобрена само од СЗО, според Њујорк Тајмс.
View this post on Instagram
Светската здравствена организација ја одобри кинеската вакцина за итна употреба на 7. мај годинава. Вакцината, една од двете кинески вакцини што веќе се дадени на стотици милиони луѓе во Кина и во странство, е исто така и првата вакцина за коронавирус одобрена од СЗО, а која не е развиена на Запад, пренесува Ројтерс.
Да потсетиме, земјите-членки на ЕУ денеска се согласија повторно да ги отворат границите за патниците кои биле целосно вакцинирани против коронавирусот.
„Советот на ЕУ препорача земјите-членки да олеснат некои од сегашните ограничувања, особено за оние кои биле вакцинирани со вакцина одобрена од ЕУ. Списокот на земји кои не се членки на ЕУ и имаат добра епидемиолошка состојба наскоро треба да се прошири, од каде што исто така ќе биде дозволено патување врз основа на новите критериуми договорени денес. „Го поздравуваме овој договор, кој доаѓа само две и пол недели откако Комисијата го предложи“, било речено во Брисел.