ekran платформа за слободоумни
Со жалење соопштуваме дека нашиот вокален солист Рубин Кантарџиоски – Кантар ненадејно почина во Прилеп, напишаа од бендот на нивната страна на Фејсбук.
Неговиот фантастичен глас вокал беше и е препознатлив печат на песните на V.I.S. VOX.
Рубин Кантар остави трага на македонската сцена со својот бенд од 90-те години Don’t!Who!One!
Рубин соработуваше и со Мизар на концерти низ регионот.
Со VI.S. VOX ги сними албумите „Песни што од секогаш сте сакале да ги слушнете а не сте имале каде“ ( 2012) и „Теодорова сабота ( 2022)
Деновиве се планираше промоција на песната „Тагоре“ со стихови од Рабиндранат Тагоре.
„Кој си ти читателе, кој по едно столетие ќе ги имаш моите песни.
Јас не можам да ти испратам ниту еден цвет од ова пролетно богатство…
Во радоста на своето срце да почувствуваш
Жива радост што пееше во едно пролетно утро
Испраќајќи го својот весел глас
Преку стотина лета.“
И така, Рубин, во едно пролетно утро, го испрати својот баршунаст и тажен глас во вечноста!
Почивај во мир, друже! Испиј една ракија со Ушко, Милан, Bowie…
