Најпознат е по тоа што му го „позајми“ гласот на папагалот Јагу од „Аладин“, потоа по улогата во „Полицаецот од Беверли Хилс 2“.
Американскиот комичар Гилберт Готфрид почина на 67-годишна возраст, објави неговото семејство на Твитер.
-СО Скршени срца, ве известуваме дека нашиот сакан Гилберт Готфрид почина по долго боледување, се вели во соопштението.
Готфрид ја започна својата кариера како стенд-ап комичар во Њујорк на 15-годишна возраст.
Познат по својот препознатлив глас, Готфрид одигра многубројни улоги во својата кариера, но на гледачите можеби им е најпознат по тоа што му го „позајмува“ гласот на папагалот Јаго од „Аладин“, потоа по улогата во „Полицаецот од Беверли Хилс 2“, „Погледни кој зборува 2“ и во сериите „Управување со гневот“, „Шоуто на Козби“, „Закон и ред“, „Хана Монтана“. Во 1970-тите, тој беше член на актерската екипа на шоуто Saturday Night Live.
Списанието „Ролинг Стоун“ го опиша во 2005 година како „најбрилијантен или најодбивен комичар, во зависност од тоа кого прашувате“.
Беше омилен меѓу колегите комичари. Актерот Џејсон Александар, кој го глумеше Џорџ во ТВ серијата „Seinfeld“, напиша на Твитер:
„Ме насмеа дури и во моменти кога смеата не доаѓаше лесно. Каков подарок! Не го познавав добро, но многу ми се допадна она што ни беше заедничко“.
-Покрај тоа што беше најпознатиот глас на комедијата, Гилберт беше прекрасен сопруг, брат, пријател и татко на своите деца. И иако денес е тажен ден за сите нас, ве молиме насмејте се што е можно погласно во чест на Гилберт, се вели во соопштението на семејството.
Фото: Принтскрин/YouTube