ekran платформа за слободоумни
За летото да звучи уште пожешко, еден од најпрепознатиливите музички фестивали во земјава добива ново засилување со најдоброто од домашната електронска музика: Galoski пристигнува на Д Фестивал 2023 директно на главната бина!
Со посебно место на плејлистите од реномирани музички брендови како Tommorowland, Creamfields, Ministry of Sound и поддршка од светски музички великани меѓу кои и David Guetta, Tiesto, Afrojack, Martin Garrix, Steve Aoki и Diplo, Galoski се запишува како наш вистински музички амбасадор!
Несомнено е кога ќе се спомене името на Галоски дека станува збор за еден од најголемите и најуспешни диџеи и продуценти на електронска музика на нашиве простори. Галоски во март годинава настапи за брендот CreamFields во SpacePlus во Бангкок, истиот месец имаше настапи во Токио и останати дестинации низ Азија.
Годината ја започна со огромен успех на изданието ALL MY LOVE кое беше прогласено за хит на неделата на една од најпопуларните радио мрежи ширум Америка – SiriusXM.
Сигурниот пат на кој Galoski се искачува во својата светска музичка кариера го потврдуваат и неговите бројни изданија под најголемата издавачка куќа за електронска музика Spinnin Records и Spotify преслушувањата кои се веќе со милионска бројка.
