Беа неа и прерано починатиот Ѓорѓи Колозов немаше да ги има Македонските народни приказни…
Немаше да има часови и часови мудрости и стории за кои тв гледачите ќе раскажуваат но и со нетрпение ќе ги очекуваат новите епизоди…
Шенка Колозова продолжи да ја спроведува визијата на својот сопруг, Ѓорѓи, кој иако не беше познат филмски глумец беше меѓу најомилените во Македонија – дали од Македонски народни приказни, дали како кралот, а од неговиот профил на Фејсбук и беше честитан и роденденот на Шенка…
„Среќен роденден Шенка!
Царицата на македонските народни приказни, незаборавниот лик од детските тв серии и драми денес наполни 73 години!
Шенка Колозова е ќерка на Стоица и Катерина Димитрови (подоцна, Станојкови). Родена е на 1 февруари 1947 во Добрево, Пробиштипско. Дипломирала на Катедрата за јужнословенска книжевност при Филозофскиот факултет во Скопје. Целиот работен век го поминала како професионална актерка во народните театри во Штип и Куманово, а подоцна и во Македонскиот народен театар од Скопје, каде се пензионирала. Во кариерата одиграла над 100 премиери во трите народни театри, и уште 16 премиери со приватниот театар „Колозов“. Таа има одиграно повеќе од 6 000 претстави во овие три театри, не вклучувајќи ги и гостувањата во Велешкиот театар и други театри во Македонија. Најзначајни театарски ролји на Колозова се во претставите „Свирачот на покрив“ , „За сите мои синови“, „Електра“ на Еврипид (во улогата на Клитемнестра), „Сè за градината“, „Печалбари“ и други. Покрај актерството, таа е автор на бројни сценарија и драматизации, меѓу кои и Цепенковите народни приказни“.