ekran платформа за слободоумни
Мик Шумахер, син на легендарниот Формула 1 возач Михаел Шумахер, објави празнична фотографија од својот дом.
Тие го прославиле Божиќ во кругот на најтесното семејство, па Мик споделил заедничка фотографија на Инстаграм.
Тој позирал со својата мајка Корина и неговата сестра Џина пред елката, а многу негови обожаватели со тага забележаа дека тато Михаел го нема на фотографијата.
View this post on Instagram
Покрај оваа објава, Мик ја сменил и сликата на профилот. Тој објавил фотографија на која татко му го држи во раце кога бил дете.
Состојбата на Михаел Шумахер, седумкратниот светски шампион во Формула 1, е обвиткана во мистерија речиси девет години. Михаел Шумахер сериозно ја повреди главата при пад на скијање на француските Алпи на 29 декември 2013 година и оттогаш неговата состојба е предмет на шпекулации, бидејќи нема официјални медицински извештаи. Шумахер шест месеци беше во индуцирана кома, по што беше префрлен на домашно лекување и со години е во семејната вила на Женевското езеро.
Фото: Принтскрин/Instagram
