ekran платформа за слободоумни
ЛЕГЕНДАРНИОТ Пол Макартни денеска полни 80. години, а за само една недела ќе биде најстариот изведувач на фестивалот „Гластонбери“. Дури се шпекулира дека до крајот на годината ќе стане лорд.
Не е лошо за момче од работничко семејство од Ливерпул кое е на врвот на светските топ листи речиси 60. години. Помеѓу „Битлси“, работа со „Вингс“ и соло кариера, Макартни напиша и ко-напиша повеќе од 50 синглови кои беа меѓу првите 10.
View this post on Instagram
За време на заклучувањето, Мака, како што со љубов го нарекуваат, го сними албумот McCartney III, кој стана негов прв соло албум на врвот на топ листите во Велика Британија од 1989. година.
Макартни и Битлси се вратија во центарот на вниманието на јавноста минатата година благодарение на осумчасовниот документарен филм на режисерот Питер Џексон, „Get Back“ за снимањето на нивниот албум од 1970. година „Let It Be“.
Заедно со низата настани по повод неговиот 80-ти роденден во Ливерпул, британските медиуми пишуваат дека тој би можел да стане лорд, 25 години откако станал витез.
View this post on Instagram
Немерливи заслуги за културата
Извор во март за The Sun изјавил дека „се разгледува идејата да му се понуди можност да влезе во Домот на лордовите“.
„Тој ѝ служеше на британската култура неверојатно, така што тоа би можело да биде соодветна чест и признание за сето она што го направи за својата земја“.
Во 2011. година, Макартни се ожени со третата сопруга, американската наследничка Ненси Шевел (62) и има осум внуци. Списокот на богаташите на The Sunday Times проценува дека парот заедно вреди 861. милион фунти.
