ekran платформа за слободоумни
Нивната венчавка ја следеше светот…
Принцот и принцезата од Велс, Вилијам и Кејт Мидлтон, денеска ја слават 12-годишнината од бракот. За да ја одбележат оваа пригода, тие денеска споделија нова фотографија, која е направена на нивниот имот во Сандрингем во текот на еден многу обичен ден.
На фотографијата Кејт носи темни тесни фармерки и романтична бела кошула, додека нејзиниот сопруг е облечен во сличен тон.
Принцот Вилијам и Кејт Мидлтон се венчаа на 29 април 2011 година во Вестминстерската опатија. Двојката рече „ДА“ пред 2.000 гости, а свадбената церемонија ја следеа 36,7 милиони луѓе ширум светот. Сега, 12 години подоцна, со три мали деца, парот изгледа позаљубено од било кога.
– 12 години – пишува едноставно, но доволно, во описот на фотографијата на официјалниот портрет на парот на социјалната мрежа Инстаграм.
View this post on Instagram
Кејт, која тогаш имаше 29 години, носеше фустан од Александар Меквин, фустан во А линија, кој оттогаш стана популарен ширум светот.
View this post on Instagram
Двојката се запознала во 2001 година на Универзитетот Сент Ендрјус. Прво станале пријатели, а подоцна и пар.
– Кога првпат ја запознав Кејт, знаев дека има нешто многу посебно во неа, сакав да го истражам тоа, но извесно време бевме само пријатели – рекол принцот Вилијам во едно интервју во 2010 година, по повод нивната свршувачка.
View this post on Instagram
Денес парот има три деца, принцот Џорџ (9), принцезата Шарлот (7) и принцот Луис (5).
View this post on Instagram
Фото: Принтскрин/Instagram
