Реалната ѕвезда Ким Кардашијан со новата објава на Инстаграм се нашла на мета на критики. Таа објавила фотографија на која позира пред луксузен автомобил, опкружена со мноштво чанти и кутии со имиња на модни брендови како Прада, Гучи, Шанел и Луј Витон.
Во описот на таа фотографија напишала дека почнува наградна игра. Донира 100.000 долари на картичка, билети за прва класа и пет ноќевања на локација по ваш избор, наведувајќи примери од Париз, Лос Анџелес, Лондон, Токио, Дубаи и Њујорк. Ова не е прв пат таа да објавува ваква наградна игра.
View this post on Instagram
Луѓето во коментарите ја прозвале за оваа наградна игра бидејќо ја објавила среде руската инвазија на Украина. Ким е инфлуенсер која ја следат дури 289. милиони луѓе, а многумина и замеруваа што на друг начин не ја искористила моќта на социјалните мрежи.
„Што мислиш да ги дадеш тие 100.000 долари на бегалците од Украина?“, „Не знаеш ли дека има војна во Украина? Луѓето умираат. Ова ти е лош тајминг“, „Што е со Украина?“, „Зошто го правиш ова?”,”А да ги испратиш тие пари во Украина? “, „Сите овие пари може да одат кај Украинците”, коментираат луѓето.
Ким, инаку, деновиве се огласи на Instagram Stories и му изрази поддршка на украинскиот народ, но таа не одговори на овие критики.
Фото: Принтскрин/Instagram