ekran платформа за слободоумни
Бејли Џин Матесон имала само 35. години кога на 5. април починала од леиомиосарком, рак на мекото ткиво во абдоменот.
Кога болеста, пред две и пол години, и била дијагностицирана, докторите и дале само 12. месеци живот, но таа по некое чудо преживеала и не била на хемотерапија.
Сепак, таа почувствувала дека се ближи крајот на нејзиниот живот па сама си напишала проштално писмо, непосредно пред смртта.
„На моите родители, благодарам што ме поддржувавте мене и моите одлуки во текот на мојот живот. Се сеќавам дека мама секогаш зборуваше дека губењето на детето е нешто најлошо што може да им се случи на родителите. Моите родители ми пружија најголема подршка кога одлучив да не одам на хемотерапија и остатокот од животот да го поминам онака како што сметав дека треба. Знам колку беше тешко да се гледа кога го прекинав лекувањето и пуштив природата да се погрижи за мене. И’ двајцата ве сакам уште повеќе поради тоа“, порачала Бејли.
Понатаму им заблагодарила и на пријателите, чија грижа и посветеност како на единица без браќа и сестри, ја ценела двојно.
„Никогаш не мислев дека можам толку многу да ги сакам моите пријатели. Вие со вашата безрезервна љубов и подршка овој тежок период ми го направивте поподнослив и помирен“, додала.
Потоа Бејли го спомнала својот партнер Брент, кого го запознала само три месеци пред шокантната дијагноза.
„Немаше поим во што се вовлече кога тоа утро ми се јави. Не можев да посакам подобар маж кој ќе биде покрај мене во сите авантури, на сите контроли, и’ во смеа, и’ во солзи. Ти си прекрасна личност и секој во чиј живот ќе бидеш е среќен човек. Те сакам повеќе отколку што можеш да замислиш“, напишала таа.
„Не ги сфаќајте ситниците така сериозно и малку живејте“, порачала храбрата Бејли на самиот крај.
екран.мк
Фото:Instagram
