ekran платформа за слободоумни
Откако десничарката Џорѓа Мелони победи на изборите во Италија, на таа победа реагираа многу познати италијански лица, а еден од оние кои предизвикаа најмногу реакции секако е фронтменот на групата „Манескин“, Дамијано Давид, кој го воодушеви светот на минатогодишниот натпревар за „Песна на Евровизија“
Пејачот, кој на Инстаграм го следат пет милиони луѓе, на таа социјална мрежа ја сподели насловната страница на италијанска „Република“ со фотографија од Мелони за веста дека десниот центар победил на изборите.
„Денес е тажен ден за мојата земја“, напишал Дамијано и го привлекол вниманието на своите следбеници.
Тој потоа ја споделил веста од Си-Ен-Ен: „Мелони ќе биде најдесничарскиот италијански премиер уште од Мусолини“.
Иако привлекува внимание со облеката и однесувањето каде и да се појави, Дамијано никогаш не ги криел ниту своите политички ставови.
„Слободна Украина, е*и го Путин“ – извикал на сцената на фестивалот Coachella, а тој и неговата девојка Ѓорџија Солери се активни во борбата за родова еднаквост.
„Мораме да се спротивставиме“, коментирала неговата 26-годишна девојка Ѓорџија и додала: „Какво болно будење. Полошо од која било хронична болест“.
Фото: Принтскрин/Instagram
