Глумицата Блејк Лајвли го освои црвениот тепих со својот заводлив изглед во раскошна црвена тоалета на која се потпишува италијанската модна куќа Версаче. Иако на овогодишната Мет Гала прошетаа многубројни луксузни креации една од највпечатливите беше и тоалетата на американската глумица Блејк Лајвли.
Со оглед на тоа дека припаѓа во групата на најдобро облечени дами, сопругата на глумецот Рајан Рејнолдс и овој пат ги исполни сите очекувања. Таа ѝ се довери на Донатела Версаче, која успешно ја претвори во вистинска дива. Глумицата носеше гламурозна креација, која потсетува на стариот Холивуд, изработена во комбинација на рубин црвена и златна боја.
Креацијата се состои од два дела, корсет со златни додатоци, кој ѝ ја истакна одличната фигура на младата мајка и долго здолниште, мешавина составена од повеќе материјали.
Може да се забележи дека креацијата е доста луксузна и преполна со орнаменти, комплициран вез, па за изработка на оваа тоалета биле потребни 600 часа.