Сите во Охрид: ДОАЃА ZUCCHERO!

25. ЈУЛИ, 2018 година- Антички театар- Охрид

Ништо не може да ја спречи оваа година да биде исклучителна во македонската концертна историја.
За прв пат во Македонија, на 25 јули, доаѓа една од најголемите италијански ѕвезди и сигурно еден од најдобрите европски вокали ZUCCHERO, со своето best of шоу во прекрасниот Охрид, во идеaлниот простор за таа музика- Антички театар.
ZUCCHERO е артист којшто го има направено невозможното. Со карактеристичен блуз вокал, има неверојатен број и на комерцијални хитови: „Baila Morena“, „Senza Una Donna“, „Dune Mosse“ и уште многу други, а пред се’, квалитетот на изведбата и музиката се секогаш во прв план.
ZUCCHERO е веројатно уникатен и по фактот дека е пејач којшто има зад себе остварено соработка со најголем број на навистина неверојатно квалитетни артисти како: Miles Davis, Eric Clapton, Ray Charles, Sting, Texas, Queen, Peter Gabriel, Mark Knopfler, John Lee Hooker, Joe Cocker, Jeff Beck, Iggy Pop, Elvis Costello, Bryan Adams, Bono Vox, BB King, 2 Cellos, Ennio Morricone, Andrea Bocelli и други. Неверојатно, но вистинито, нели?
Концертот на ZUCCHERO во Охрид е помогнат и со покровителство на општина Охрид.
Сите детали околу влезниците ќе бидат познати на 21 мај во 21 часот навечер.