ekran платформа за слободоумни
Првата исповед на Шакира по изневерувањето на поранешниот сопруг никого не остава рамнодушен!
По 11. години врска и две заеднички деца, фудбалерот Жерар Пике и латино дивата Шакира решија да стават точка на својата љубов летово, на општо изненадување на светската јавност. Но, зачестените измами на спортистот изгледа одлучиле… Пејачката конечно си ја отворила душата и проговорила за се.
Имено, Пике повеќе не ја крие својата нова девојка, младата студентка Клара, која ја запознал додека работела на неговата рекламна кампања. Тие неодамна се појавиле заедно на свадба.
И на молкот на пејачката му дошол крајот, а таа решила да ја открие својата страна на приказната.
-Бев тивка, бидејќи се обидував да обработам се во мојата глава. Да, тешко е да се зборува за тоа, особено затоа што сè уште поминувам низ тоа и затоа што сум јавна личност, а нашата разделба не е како обична разделба. Тешко е, не само за мене, туку и за моите деца. Неверојатно тешко. Се трудам да ги заштитам децата од се – ја започнала својата исповед Шакира.
А покрај прељубата на нејзиниот поранешен партнер, таа се соочила и со обвинувања од шпанската влада дека затаила данок.
– Се обидов да ја скријам ситуацијата од моите деца. Се обидувам да ги заштитам, тоа е мојата мисија број еден. Но, потоа слушаат работи на училиште од своите пријатели или наидуваат на некоја непријатна вест на интернет и тоа едноставно ги погодува – вели пејачката.
И додава дека често се надева дека ова е само лош сон од кој ќе се разбуди.
– Понекогаш се надевам дека сето ова е само лош сон и дека некогаш ќе се разбудам. Но, не, тоа е реално. И сето тоа се случуваше токму во времето кога татко ми беше на интензивна нега, а јас се борев на различни фронтови. Ова е веројатно најтешкиот период во мојот живот – заклучила таа.
Фото: Архива
