ekran платформа за слободоумни
Вечерва во Денсинг салата во Младинскиот Културен Центар, со почеток од 22:00 часот, во рамките на овогодинешното издание на МОТ, ќе може да го проследите танцовиот перформанс „Коло“.
При уметничкото истражување и создавањето на претставата „Коло“, ги преиспитувавме современите манифестации на заедницата, со фокус на физичките аспекти на нејзиното прикажување преку танцовата практика.
Ја испитувавме можноста и неможноста да се оствари контакт во време на промени врз основа на дигиталните технологии, користејќи ја како катализатор „новата реалност“ предизвикана од пандемијата. Народното оро [коло] беше централниот елемент на внимание во работата. Иако и други танцови техники користат физички контакт помеѓу изведувачите, ние го третиравме орото [коло] како воспоставен културен модел што го обликува искуството на заедничките моменти во колективните собири. Постојаниот физички контакт на групата, едноставноста на движењата и акцентот на заедничките активности ја формираат основата врз која го развивме нашиот материјал.
За време на процесот на создавање, направивме и документиравме интервјуа со луѓе од различни генерации, водејќи разговори на тема на нивните искуства од заедничките настани, далечни и неодамнешни сеќавања, сегашноста и имагинацијата. Одлучувајќи да му пристапат на овој проект како ко-автори, сите членови на групата отворија друг агол на критичко набљудување на функционирањето и создавањето во заедницата, продуцирајќи и изведувајќи ја самата тема и прашањата со кои се занимаваат.
Ко-автори и изведувачи: Симонида Жарковиќ, Ѓорѓе Живадиновиќ Гргур, Јана Миленковиќ,
Исидора Поповиќ, Јована Стојиќ, Александар Стоименовски
Композитор: Матија Анѓелковиќ
Костимограф: Милош Јаниќ
Соработници и консултанти: Ана Дубљевиќ, Филип Отовиќ Вишњиќ, Олга Потпаревиќ, Стана
Ѓокиќ, Вера Клупиќ, Љубина Отовиќ, Ивана Савиќ
Фотографија: Лука Кнежевиќ Стрика / Станица – Сервис за современ танц
Продукција: Станица – Сервис за современ танц
Поддршка: Културен центар „Магацин“ – Белград
Финансиска поддршка: Министерство за култура и информации на Република Србија
Овaa претстава на МОТ фестивалот е дел од проектот (Не)Врзани Движења, а е курирана од Биљана Тануровска-Ќулавковски.
(Не)Врзани Движења е поддржан од програмата Креативна Европа/Европска соработка Западен Балкан.
Проектот (Не)Врзани Движења/ (Non)Aligned Movements е развиен во партнерство помеѓу СТАНИЦА Сервис за современ танц, Белград; Номад танцова академија Словенија, Љубљана; Номад танцова академија Хрватска; Танцфабрик Берлин и ЛОКОМОТИВА Центар за нови иницијативи во уметноста и културата, Скопје.
