Денес со почеток од 18:00 часот во Галерија 22 при НУЦК “Ацо Шопов” во Штип, љубителите на хорското пеење ќе имаат можност да го проследат годишниот концерт на Градскиот камерен хор “Астибо – Штип”, на кој специјални гости ќе бидат Женскиот хор “Неразделни” од Ќустендил, Р. Бугарија, насловен како “Меѓусебната соработка како мост за зближување на народите”.
“Градски хор” од Штип е мешан хорски ансамбл кој во моментот брои околу 23 членови. Има широк спектар на репертоар кој е прифатлив како за хорската публика така и за поширокиот круг на љубителите на музиката.
Песните: Брала мома капини, Елено ќерко, Билјана платно белеше, Калеш Анѓо, Што ми е мило ем драго, се само дел од репертоарот на Градски хор од Штип.