УХМР излезе со петдневна временска прогноза, за празниците…
Денеска се очекува умерено до значително облачно и топло со слаб до умерен ветер од јужен правец. Попладне и во текот на ноќта претежно во западните делови ќе има врнежи од дожд. Минимална температура 11°C до 14°C. Максимална температура: 20°C до 31°C.
Утре, недела, се најавува променливо облачно со сончеви периоди. Во утринските часови претежно на запад ќе има услови за локален дожд. Ќе дува умерен, во западните делови засилен југозападен ветер.Минимална температура 10°C до 16°C. Максимална температура: 19°C до 33°C.
Во понеделник можеме да очекуваме сончево со умерена облачност и со слаб до умерен ветер од северозападен правец.Минимална температура: 7°C до 15°C.Максимална температура: 20°C до 31°C.
За вторник се најавува променливо облачно со локални врнежи од дожд, претежно во попладневните часови, но и намалување на температурите.Минимална температура: 8°C до 15°C.Максимална температура: 17°C до 25°C.
Во среда сончево со мала до умерена облачност и со слаб до умерен југозападен ветер.Минимална температура: 3°C до 11°C. Максимална температура: 19°C до 26°C.