Дино Мерлин закажа четири концерти по ред во Белград за во ноември, а билетите за нив беа веднаш распродадени.
На социјалните мрежи во Србија се појави петиција со која се бара да му се забрани на босанскиот изведувач да одржува концерти.
Фотографијата на Дино со натпис „Непосакуван“ и неговите изјави кои наводно шират говор на омраза, а кои никогаш не се потврдени, се достапни на веб-страницата peticia.online.
„Никогаш не сум рекол дека мразам некого. Тој глагол не постои кај мене. Тоа е ноторна невистина. Толку многу што се пишуваше за мене сите овие години е целосно измислено”, изјавил Мерлин во 2011 година на ТВ Прва пред првиот концерт во Србија.
Од 27 јули до денеска на петицијата се потпишале 21.763 лица.