ekran платформа за слободоумни
Олена Зеленска и Володимир Зеленски се појавија во новото издание на магазинот „Вог“. Тие зборуваат за нивниот брак и војната во Украина.
View this post on Instagram
Имено, првата дама на Украина изјавила дека го запознала Володимир во средно училиште. Започнале да се забавуваат додека студирале, а во 2003. година ја основале продуцентската куќа Квартал 95.
Ја снимале сатиричната програма „Вечерен квартал“ во која тој бил главна ѕвезда, а таа го пишувала сценариото.
„Хуморот не зближи. На почетокот на врската правеше шеги на моја сметка“, изјавила таа.
Володимир раскажал дека прво го привлекла нејзината убавина, а се заљубил во неа кога подобро ја запознал.
View this post on Instagram
Откако започнала војната во Украина, тој од безбедносни причини се разделил од Олена и нивните деца Александра и Кирил.
„Не знам како ќе ги издржев овие неколку месеци ако требаше да се разделам од нив. На Володимир му е многу потешко. Тој страда, а и децата затоа што не можат да се видат”, изјавила Олена.
Володимир рекол дека е многу загрижен за безбедноста на своето семејство, но дека не сака да ги доведе во уште поголема опасност доколку повторно се сретнат.
„Олена е мојата љубов, но и мојата најдобра пријателка. Таа е патриот, многу ја сака Украина. Исто така, таа е прекрасна мајка“, додал тој.
View this post on Instagram
Меѓу другото, Олена рекла дека ова биле најлошите месеци во нејзиниот живот и животот на секој жител на Украина.
„Се радуваме на победата. Не се сомневаме во победата. Токму тоа ни дава сила да продолжиме“, рекла таа.
View this post on Instagram
Интервјуто е снимено во Киев, а за фотографиите е заслужна легендарната Ени Лејбовиц.
Фото: Принтскрин/Instagram
