Во рушевините во близина на Помпеја е пронајдена скоро недопрена кочија за поворка украсена со еротски сцени, објавија археолозите во вторникот.
Железното возило со четири тркала за едно до две лица е уникатно, посочуваат експертите од Археолошкиот парк на Помпеја.
Кочијата е пронајдена во вила во Цивита Џулијана, северно од Помпеја, а римската елита ја користела за свечени прилики. Има бронзени украси во форма на еротски сцени на мажи и жени.
Пред неколку години, на таа локација беа пронајдени остатоци од три коњи, од кои едниот беше сè уште зауздан. Крадци го посетиле локалитетот, ископале неколку тунели за да го ограбат.„Помпеја продолжува да нè воодушевува со своите откритија и ќе биде така уште многу години, бидејќи треба да се ископаат уште 20. хектари“, рекол италијанскиот министер за култура Дарио Франческини за откритието.
Помпеја се наоѓа во подножјето на планината Везув. Во ерупцијата во 79 година н.е., пепел, кал и лава ги покриле населените места и нивните жители, кои се ископани во 18 век.
Фото: Скриншот/Youtube