ekran платформа за слободоумни
Доаѓањето на принцот Хари во Велика Британија, на откривањето на споменикот на неговата мајка, принцезата Дајана, е доведено во прашање поради расколот во кралското семејство.
Иако сите биле убедени дека принцовите Вилијам и Хари ќе се појават заедно на откривањето на статуата во јули оваа година, експертите сметаат дека тоа е малку веројатно, пишува британски „Сан“.
Експертите сметаат дека ова ќе доведе до дополнително ладење во односите меѓу членовите на кралското семејство, пред се Хари и Вилијам.
Браќата се одалечиле по преселбата на Хари во САД и сензационалното интервју со Опра Винфри, во кое тој открил дека одредени членови на кралското семејство биле расистички расположени кон Меган Маркл.
Вратата за помирување беше отворена за време на погребот на принцот Филип, кога Хари беше виден како разговара со Вилијам и татко му Чарлс.
View this post on Instagram
Сепак, експертите, вклучително и еден новинар кој пишува за кралското семејство, Фил Дампиер, веруваат дека тие разговори не биле далеку од обичен муабет. Тој наведува дека разговорот меѓу двајцата млади принцови бил многу напнат, но дека тој сепак претставува прв чекор кон помирувањето.
View this post on Instagram
„Хари и Меган сега имаат сè што сакаат. Син, ќерка на пат, слобода од дисциплината на кралското семејство … Но, водењето војна со Виндзор е непотребно и контрапродуктивно. Тие треба да продолжат со своите животи и да престанат да се преправаат дека се жртви“, рекол Дампиер.
View this post on Instagram
Фото: Принтскрин/Instagram
