ekran платформа за слободоумни
Додека принцот Вилијам и Кејт Мидлтон чекале да влезат во лондонски паб пред церемонијата на крунисувањето на кралот Чарлс Трети во саботата, случаен минувач некако успеал да го помине обезбедувањето и едноставно да помине покрај нив.
Човекот кој поминал покрај нив не знаел дека поминува покрај членовите на кралското семејство, што ги изненадило луѓето кои трпеливо чекале можност за фотографирање со принцот Вилијам и Кејт.
На вознемирениот маж му пришол припадник на обезбедувањето кој учтиво го оддалечил од местото на настанот. Кога го виделе ова присутните фанови почнале гласно да се смеат.
Снимката на која Вилијам и Кејт разговараат пред лондонскиот паб „Dog and Duck“ набрзо стана хит на социјалните мрежи, особено поради реакцијата на принцезата на оваа необична ситуација. Имено, кога Кејт сфатила за што всушност се работи, се насмеала и погледнала да види што ќе се случи со збунетиот маж.
„Тој човек веројатно немаше поим покрај кого поминува и го сакам тоа кај него“, „Стана славен а не ни знае“, „Буквално не мисли на нив“, беа само некои од коментари на социјалните мрежи.
Фото: Принтскрин/
