ekran платформа за слободоумни
Трогателно видео кое ги освои срцата на корисниците на социјалните мрежи го прикажува моментот на кошаркарски натпревар кога колегите и помогнале на слепа ученичка да го погоди кошот.
Џулс Хугланд, 17-годишен ученик во гимназијата Zeeland East, е целосно слепа. На видеото кое е создадено во 2022 година, а неодамна повторно беше споделено на социјалните мрежи, можете да го видите како се подготвува да ја шутира топката пред кошот.
Преполниот аудиториум замолкнал за да и помогне да го погоди кошот додека еден студент чукал со нејзиниот стап по таблата за да нишани.
Откако го слушнала звукот на неколку удари на таблата, Хугланд шутирала и погодила, а фановите во салата скокаа горе-долу и навивале за нивната колешка.
„Бев навистина нервозна затоа што сите овие луѓе ме гледаа“, се сеќава тинејџерката. „За среќа, не можев да ги видам како ме гледаат“.
View this post on Instagram
„Ова е неверојатно. Џулс Хугланд, која е слепа, се подготвуваше да шутира пред кошот. Преполната сала од 2.500 замолкна додека асистентот го тапкаше дното на таблата со стап за да ја означи локацијата на обрачот. По неколку удирања, Хугланд шутна, а навивачите дивееја, врескајќи и навивајќи за тинејџерката“, се наведува во описот на видеото кое е споделено на Инстаграм.
Видеото трогна многумина, а во коментарите напишале дека на светот му треба повеќе од ова.
„Ова видео е толку инспиративно“, „инклузивност“, „членовите на ривалскиот тим што навиваат за неа се се“, беа само дел од коментарите.
Хугланд играше за кошаркарскиот тим на Zeeland East, Unified Sports , кој е составен од ученици со и без попреченост.
Фото: Принтскрин/Instagram
